احمد ومنى والحب العصرى

حبايبى العساسيل
هنتكلم عن الحب العصرى بين احمد ومنى
وكلنا نعرف مين احمد ومين منى
دول فى الافلام العربى رمز للحب والرومنسيه والاخلاص
بس احمد ومنى بتوع النهارده مختلفين خالص فى كل حاجه
التشابه فى الاسماء هوا اللى رابط الاسم بالموضوع
واللى من المفروض يكونو حلقة التواصل بين العهدين
طيب وايه الفكره فى المقارنه
فى المقال الغامض ده
الفكره ان خلاص الحب (بح)
ليه ياحلوين
علشان دلوقتى الحبيبه اسمها -مذه-موله-سوسته-
والحبيب اسمه-مذ-لول-مان لاف
وكالعاده بنحاول نغير فى كلامنا ومش عارف ليه
ونصنع كلام جديد واكيد زمن الجوابات والرسايل
راحت عليه والتواصل دلوقتى بقى ليه كام طريق
زى حوار الاريال
يعنى ايه الكلمه دى
يعنى الشاب من دول يصاحبله بنت علشان يوصل لصحبتها
وبتكون البنت دى قايمه بدور الاريال
والعكس طبعا
او الحب العشوائى وده كتير جدا وبيكون كده
بحبك ياسافله بموت فيك يامهيطل
وهتشوفو كتير فى العالم العصرى المنتيل بنيله ده
وزى ماغيرنا الحب اكيد هنغير الرومنسيه
كان ايام احمد ومنى الحبيبه بيسمعو عبد الحليم
وام كلثوم وورده
دلوقتى اغانى الرومنسيه بتقول
تيت الشبشب ضاع تيت ده كان بصباع
والطبيعى الرد بيكون
تيت البوكسر بان تيت ده كان الوان
انا بجد اكتشفت انى جاهل ومعرفش حاجه عن الحب
ولا الرومنسيه بس اهو بحاول اتعلم من الحب العصرى
وحفظتلى كلمتين زى حديد قلبى واسمنت حياتى
وطلعت بحاجه من الحب الغريب ده
اهو بدل الجهل اللى كنا عايشين فيه
وربنا يستر ومانتمسكش هههه