الحب بتاع اليومين دول

شوية كلمات من الحب بيقولها الرجل للست
فهل ياترى هي كل ما عنده والا هو بيقول نص اللي في قلبه
والنص التاني بيخليه في سره؟؟

انافى بعادك ما بنمش طول اليل
(بس بنام شويه العصر)
##^##^##^##^##^##^##^##^##^##^##
ياريت فيه كلمه تعبر ع اللى انا حاسس به غير بحبك

(لانى فى الحقيقه مبحبكيش)

##^##^##^##^##^##^##^##^##^##^##
اول مره اقول كلمه بحبك لواحده

(وتصدقنى ودا لانك هبله طبعا)
##^##^##^##^##^##^##^##^##^##^##
انتى كنتى اجمل واحده فى الحفله امبارح

(بس ابقى اعملى عمليه تجميل فى ودانك ومناخيرك وبقك)
##^##^##^##^##^##^##^##^##^##^##
حنتجوز طبعا يا حبيبتى بس ادينى فرصه 6 شهور

(وبعدها مش هتشوفى وشى)
##^##^##^##^##^##^##^##^##^##^##

باحس دايما انى مسئول عنك
(فى الحاجات اللى متكلفش فلوس)
##^##^##^##^##^##^##^##^##^##^##
بتبقى حلوة اوى وانتى بتبكى

(بس فاهم دموعك كويس ومش هتجوزك)
##^##^##^##^##^##^##^##^##^##^##
انا مستاهلكيش
(وهتكتشفى بعدين الحقيقه دى بنفسك)
##^##^##^##^##^##^##^##^##^##^##
ازاى كنت عايش من غيرك قبل كده

(اكيد احسن من دلوقتى وع العموم قربت ارجع اعيش من غيرك تانى)
##^##^##^##^##^##^##^##^##^##^##
طول الليل بحلم بيكى

(اللهم احفظنا من الكوابيس)
##^##^##^##^##^##^##^##^##^##^##
كلمه منك واقاطع كل الناس

(الا ميمى وسوسو وتوتو و ....)
##^##^##^##^##^##^##^##^##^##^##
ماالقمر الا انعكاس لوجهك حبيبتي

(في الليالي المظلمة )
##^##^##^##^##^##^##^##^##^##^##
لما اشوفك يروح مني الكلام وانساه

(من الصدمة )
##^##^##^##^##^##^##^##^##^##^##
عنيكي احلى مافيكي

(لما تلبسي نظارة الشمس)
##^##^##^##^##^##^##^##^##^##^##
شفايفك زي الفراولة

(بتاعت الصوبات )
##^##^##^##^##^##^##^##^##^##^##
تتجوزيني ياحبيبتي

(يارب تقول لا)
##^##^##^##^##^##^##^##^##^##^##
وحشتيني ووحشني كلامك

(اللي زي الحجاره )
##^##^##^##^##^##^##^##^##^##^##

روميو اليومين دول

اول ما نسمع اسم روميو يخطر على بالنا على طول روميو العاشق الحالم

روميو الحبيب بتاع زمان روميو اللى كان بسهر طول الليل يكلم القمر

روميو اللى كان بيقول شعر فى حبيبتة روميو اللى حارب من اجل حبيبتة

لكن بقى مين روميو بتاع اليومين دول

روميو دلوقتى بتاع القرن الواحد وعشرين وبتاع الانترنت والزرة

روميو بتاع اليومين دول لازم يكون روش طحن

يعنى اوعى تتجنن وتفكر مرة انك تكتب جواب لحببتك

يبقى نهارك مهبب وتبقى سرتك على كل لسان ويمكن تلاقيها

بقت خبر على النت كمان ويقولوا عليك متخلف ومجنون

ويا سلام بقى لو انتة حافظ لك كام بيت شعر للمتنبى ولا لابو نواس

ولا حفظلك كلمتين من اغانى ام كلثوم ولا عبد الحليم

اوعى تتجنن وتقولهم لحبيبتك اللى هى طبعا جوليت اليومين دول

لتقول عليك قديم وتقلك يا ابنى الاسطوانة المشروخة دى خلصت من زمان

واياك تجى كدة وبحسن نية وتفكر تديها هدية وردة اوعى تعملها

لتبقى بخيل وجلدة روميو اليومين دول لازم كدة يبقى

واد حليوة وروش ومغير شكلة يعنى اوعى تسرح تسريحة شعرك عادية

لا ---- انتة وقف شوية كدة وشوية كدة والبس قميص فية الوان الطيف ومن غير كمام

يعنى من الاخر اتروشن --- وهات من الاخر وسيبك بقى من اسطوانات

الحب بتاعت زمان دى

وعندى نصيحة اخيرة لكل روميو

اوعى تسمع كلام حبيبتك فى اى حاجة يعنى لو قلتلك شمال

قول يمين ----- قلتلك كدة قول لا كدة

واوعى تبقى حنفى فى نرماندى tow

خليك سى السيد فى بين القصرين

وامانة عليكم لو حد جرب النصيحة دى وجابت معاة نتيجة

يقولى عشان اجربها انا كمان مع حبيبتى اللى مبهدلانى

مع انى واللة بسمع كلامها فى كل حاجة

وبقالى سنة دايخ وراها ومش عارف اخد نمرة تليفونها

مع التحية

شهريار

» قيس وليلي بتوع اليومين دول
» الحب دار العشاااااااااااق
» الحب الاول
» الحب من طرف واحد
» الحب الضائع