مشروع ملابس استيراد

مشروعنا سهل وبسيط ومش عايز راس مال كتير ومكسبه سريع وكتير بس بشرط ماحدش يطمع عشان مكسب المشروع ده فى سرعته وزبونه

المشروع محتاج 500 او اكتر هانروح بورسعيد ونشترى ملابس استعمال خارجى شوفو السعر واحكمو
بنطلون جينز10 جنيه
تى شيرت 5 جنيه
جاكت شتوى 15 جنيه
بدله كامله 50 جنيه
طقم داخلى حريمى 10 جنيه
طقم داخلى رجالى 2 جنيه
جزمه شمواه 15 جنيه
جزمه جلد 20 جنيه
قميص من 5 ج الى 15 جنيه
فستان طفله 15 جنيه
فستان كبير 20 جنيه
عبايه 15 جنيه
روب 20 جنيه
وهتلاقو حاجات كتير حلوه ورخيصه والله وانا شوفت بنفسى
المشروع هنا ان كل شاب ممكن يعمل المشروع ده فى بيته تشترى من بورسعيد وتبيع لأهل منطقتك واصحابك والناس هتعملك دعايه وكمان هيوفرو كتير تعالو نحسب مشروعنا ومكسبه ومصاريفه

هنخلى مكسبنا فى كل قطعه 5 جنيه بس وكدا رضا اوى
مصاريفنا هتكون مثلا 30جنيه اجرة سكه واكل وشاى وتاكس
شوف ب 500 جنيه هتكسب كام وفى وقت قد ايه..

بالمناسبه معظم محلات تجارة الملابس بتبيع ملابس استعمال الخارج على انها جديده وبسعر عالى
وكتير عارفين كده
مشروعنا مش هيكون فيه غش ولا احتيال زى المحلات مابتعمل
وكمان معظم المحلات بتبيع ملابس فيها عيوب مصانع ودى بتكون رخيصه جدا فى الجمله بس طبعا ماحدش بيقول انها معيوبه
احنا بمشروعنا ده هنوفر كتير للشباب وخصوصا ان اقل سعر بنطلون وصل 60 جنيه فى المحلات
...
الاسواق اللى ممكن تشترى منها بضاعتك

سوق بورسعيد
وكمان سوق المحله وده بيكون يوم التلات ويوم الجمعه

اهم حاجه اعمل دعايه الاول عشان تضمن مكسب سريع
عرف صحابك انك هتبيع كذا كذا وجيرانك ومعارفك وجرب وشوف يامعلم وربنا يرزقك

ملحوظه مش كل ملابس الخارج بتكون استعمال فى كتير منها بيكون جديد بس فيه عيوب مصانع خفيفه جدا ومش هتأثر على المنتج
بس فى اوربا بيهتموا بالتفاصيل الصغيره دى وعشان كده بيعتبروها عيوب مصانع

» دراسة جدوى مشروع تصنيع ملابس جاهزة
» كيف تبدأ مشروع من المنزل
» مشروع اقتصادى للدوله
» مشروع تربية عصافير زينة
» مشروع الدهب الصينى والاكسسوارات